0:00
/
1ܘܩܪܹܐܠܹܗ ܠܬܪܸܥܣܲܪ ܬܲܠܡܝܼܕܘܼ̈ܗܝ: ܘܝܘܼܗَܒܼܸܠܹܗ ܐܸܠܵܝܗܝ ܗܘܼܟܡܵܐ ܥܲܠ ܪ̈ܘܼܚܹܐ ܛܲܡܹ̈ܐܐ ܠܦܵܠܘܿܛܵܝܗܝ: ܘܠܒܵܣܘܿܡܹܐ ܟܠ ܕܲܪܕ ܘܡܲܪܥܵܐ. 2ܘܫܸܡܵܢܹ̈ܐ ܕܬܪܸܥܣܲܪ ܫܠܝܼܚܹ̈ܐ ܐܲܢܹܐ ܝܢܵܐ: ܩܵܕَܡܵܝܗܝ: ܫܸܡܥܘܿܢ: ܕܦܵܐܹܫ ܩܸܪܝܵܐ ܟܹܐܦܵܐ: ܘܐܲܢܕܪܹܐܘܿܣ ܐܵܚܘܿܢܘܼܗܝ: ܝܲܥܩܘܿܒ̣ ܒܪܘܿܢܹܗ ܕܙܲܒ̣ܕܲܝ: ܘܝܘܿܚܲܢܵܢ ܐܵܚܘܿܢܘܼܗܝ. 3ܦܝܼܠܝܼܦܘܿܣ: ܘܒܲܪ ܬܘܼܠܡܲܝ: ܬܐܘܿܡܵܐ: ܘܡܲܬܲܝ ܕܲܡܓ̣ܵܟ̰ܝܼ: ܝܲܥܩܘܿܒ̣ ܒܪܘܿܢܹܗ ܕܚܲܠܦܲܝ: ܘܠܲܒܲܝ: ܕܦܸܫܠܹܗ ܩܸܪܝܵܐ ܬܲܕܲܝ. 4ܫܸܡܥܘܿܢ ܩܢܵܢܵܝܵܐ: ܘܝܼܗܘܼܕܵܐ ܣܟܲܪܝܘܿܛܵܐ: ܗ̇ܘ ܕܣܘܼܦܹܠܹܗ. 5ܠܐܲܢܹܐ ܬܪܸܥܣܲܪ ܫܘܼܕܸܪܹܗ ܝܼܫܘܿܥ ܘܦܩܝܼܕܵܝܠܹܗ ܘܐَܡܝܼܪܹܗ: ܒܐܘܼܪܚܵܐ ܕܛܵܝܸܦܹ̈ܐ ܠܵܐ ܐܵܙܠَܝܼܬܘܿܢ: ܘܓܵܘ ܡܕܝܼܢَܬܵܐ ܕܫܵܡܪ̈ܵܝܹܐ ܠܵܐ ܥܵܒܼܪܝܼܬܘܿܢ. 6ܐܝܼܢܵܐ ܙܵܘܕܵܐ ܙܹܠَܡܘܿܢ ܠܵܘܟ̣ܘܿܢ ܠܟܸܣ ܥܸܪ̈ܒܹܐ ܬܠܝܼܩܹ̈ܐ ܡ̣ܢ ܒܹܝܬ ܝܼܣܪܵܝܹܠ. 7ܘܟܲܕ ܐܵܙܠَܝܼܬܘܿܢ: ܡܲܟܪܸܙܘܿܢ ܘܐَܡܘܿܪܘܼܢ: ܩܘܼܪܒܸܢܵܗ̇ ܡܲܠܟܘܼܬܵܐ ܕܫܡܲܝܵܐ. 8ܡܸܪ̈ܥܝܹܐ ܒܵܣܡܘܿܢ: ܡܝܼܬܹ̈ܐ ܡܲܩܸܡܘܿܢ: ܓܸܪ̈ܒ̣ܵܢܹܐ ܕܵܟܹܝܡܘܿܢ: ܕܲܝܘܹ̈ܐ ܦܵܠܛܘܿܢ ܚܘܼܪܵܝܝܼ ܫܩܸܠܵܘܟ̣ܘܿܢ: ܚܘܼܪܵܝܝܼ ܗܲܒَܠܘܿܢ. 9ܠܵܐ ܩܵܢܹܝܬܘܿܢ ܕܲܗܒ̣ܵܐ ܘܠܵܐ ܣܹܐܡܵܐ ܘܠܵܐ ܢܚܵܫܵܐ ܒܟܸܣܝܵܬܵܘ̈ܟ̣ܘܿܢ. 10ܘܠܵܐ ܓ̰ܲܢܬܵܐ ܠܐܘܼܪܚܵܐ: ܘܠܵܐ ܬܲܪ̈ܬܹܝ ܨܘܼܕܪ̈ܵܬܹܐ: ܘܠܵܐ ܨܵܘ̈ܠܹܐ: ܘܠܵܐ ܚܘܼܛܪܵܐ: ܣܵܒܵܒ ܕܚܵܫܸܚ ܦܵܥܠܵܐ ܠܡܹܐܟ̣ܘܼܠܬܹܗ. 11ܘܠܲܐܝܢܝܼ ܡܕܝܼܢَܬܵܐ ܝܲܢ ܡܵܬܵܐ ܕܥܵܒܼܪܝܼܬܘܿܢ: ܒܲܩܪܘܿܢ ܡܵܢܝܼ ܟܹܐ ܚܵܫܸܚ ܒܝܼܵܗ̇: ܘܬܵܡܵܐ ܦܘܼܫܘܿܢ ܗܲܠ ܕܦܵܠܛܝܼܬܘܿܢ. 12ܘܐܝܼܡܲܢ ܕܥܵܒܼܪܝܼܬܘܿܢ ܠܒܲܝܬܵܐ: ܕܪܹܝܡܘܿܢ ܫܠܵܡܵܐ ܐܸܠܹܗ. 13ܘܐܸܢ ܚܵܫܸܚ ܒܲܝܬܵܐ: ܫܠܵܡܵܘܟ̣ܘܿܢ ܐܵܬܹܐ ܥܲܠܘܼܗܝ: ܐܝܼܢܵܐ ܐܸܢ ܠܵܐ ܚܵܫܸܚ: ܫܠܵܡܵܘܟ̣ܘܿܢ ܥܲܠܵܘܟ̣ܘܿܢ ܕܵܝܸܪ. 14ܐܝܼܢܵܐ ܡ̇ܢ ܕܠܵܐ ܩܵܒܸ̇ܠ ܠܵܘܟ̣ܘܿܢ: ܘܠܵܐ ܫܵܡܹܥ ܠܗܹܡܸܙܡܵܢܵܘ̈ܟ̣ܘܿܢ: ܟܲܕ ܦܵܠܛܝܼܬܘܿܢ ܡ̣ܢ ܕܗ̇ܘ ܒܲܝܬܵܐ ܝܲܢ ܡ̣ܢ ܕܗ̇ܝ ܡܕܝܼܢَܬܵܐ: ܢܦܘܿܨܘܿܢ ܬܵܘܙ ܡ̣ܢ ܐܲܩܠܵܘ̈ܟ̣ܘܿܢ. 15ܬܪܘܿܨܵܐ ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܕܠܲܐܪܥܵܐ ܕܣܕܘܼܡ ܘܕܥܵܡܘܿܪܵܐ ܒܸܬ ܗܵܘܹܐ ܢܝܵܚܵܐ ܒܝܵܘܡܵܢܹ̈ܐ ܕܕܝܼܘܵܢ: ܙܵܘܕܵܐ ܡ̣ܢ ܠܗ̇ܝ ܡܕܝܼܢَܬܵܐ. 16ܗܵܐ: ܐܵܢܵܐ ܫܵܕܘܿܪܹܐ ܝܘܸܢ ܐܸܠܵܘܟ̣ܘܿܢ ܐܲܝܟܼ ܥܸܪ̈ܒܹܐ ܒܓܵܘܵܐ ܕܹܐܒܹ̈ܐ: ܗَܘܹܝܡܘܿܢ ܗܲܕܟ̣ܵܐ ܥܵܩܸܠܕܵܪܹ̈ܐ ܐܲܝܟܼ ܚܘܼܘܵܘܵܬܹ̈ܐ: ܘܨܸܦܝܹ̈ܐ ܐܲܝܟܼ ܝܵܘܢܹ̈ܐ. 17ܐܝܼܢܵܐ ܗَܘܹܝܡܘܿܢ ܗܸܫܝܵܪ ܡ̣ܢ ܒܢܲܝ̈ܢܵܫܵܐ: ܣܵܒܵܒ ܕܒܸܬ ܣܵܦܝܼܠܵܘܟ̣ܘܿܢ ܠܟܸܢܫܹ̈ܐ ܕܪܵܐܝܝܼ: ܘܓܵܘ ܟܢܘܼܫܝܵܬܵܝ̈ܗܝ ܒܸܬ ܓ̰ܲܢܓ̰ܸܪܝܼܠܵܘܟ̣ܘܿܢ. 18ܘܩܵܕَܡ ܗܵܟܝܼܡܹ̈ܐ ܘܡܲܠܟܹ̈ܐ ܒܸܬ ܡܲܝܬَܝܝܼ ܠܵܘܟ̣ܘܿܢ ܣܵܒܵܒ ܕܝܼܝܼ: ܠܣܵܗܕܘܼܬܵܐ ܕܝܼܵܝܗܝ ܘܕܛܵܝܸܦܹ̈ܐ. 19ܐܝܼܢܵܐ ܐܝܼܡܲܢ ܕܣܵܦܝܼܠܵܘܟ̣ܘܿܢ: ܠܵܐ ܐܵܟ̣ܠܝܼܬܘܿܢ ܚܲܡ ܕܵܐܟ̣ܝܼ ܝܲܢ ܡܘܼܕܝܼ ܒܸܬ ܗܲܡܙܸܡܝܼܬܘܿܢ: 20ܣܵܒܵܒ ܕܒܸܬ ܦܵܐܹܫ ܝܘܼܗَܒ̣ܵܐ ܐܸܠܵܘܟ̣ܘܿܢ ܒܗ̇ܝ ܣܵܥܲܬ ܡܘܼܕܝܼ ܗܲܡܙܸܡܝܼܬܘܿܢ. ܣܵܒܵܒ ܠܵܐ ܐܲܚܬܘܿܢ ܗܲܡܙܘܼܡܹܐ ܝܬܘܿܢ: ܐܸܠܵܐ ܪܘܼܚܵܐ ܕܒܵܒܵܘܟ̣ܘܿܢ ܕܗܲܡܙܘܼܡܹܐ ܝܠܹܗ ܒܝܼܵܘܟ̣ܘܿܢ. 21ܐܝܼܢܵܐ ܒܸܬ ܣܵܦܹܐ ܐܵܚܘܿܢܵܐ ܠܐܵܚܘܿܢܘܼܗܝ ܠܡܵܘܬܵܐ: ܘܒܵܒܵܐ ܠܒܪܘܿܢܹܗ: ܘܒܸܬ ܩܵܝܡܝܼ ܒܢܘܿܢܹ̈ܐ ܥܲܠ ܐܲܒ̣ܵܗܵܝ̈ܗܝ: ܘܒܸܬ ܡܲܡܝܸܬܝܼ ܠܗ݇ܘܿܢ. 22ܘܒܸܬ ܦܵܝܫܝܼܬܘܿܢ ܣܸܢܝܹܐ ܡ̣ܢ ܟܠ ܐ݇ܢܵܫܵܐ ܣܵܒܵܒ ܕܫܸܡܝܼ: ܐܝܼܢܵܐ ܡ̇ܢ ܕܚܵܡܸܠ ܗܲܠ ܐَܚܲܪܬܵܐ: ܗ̇ܘ ܒܸܬ ܚܲܝܹܐ. 23ܘܐܝܼܡܲܢ ܕܛܵܪܕܝܼ ܠܵܘܟ̣ܘܿܢ ܒܐܵܗܵܐ ܡܕܝܼܢَܬܵܐ: ܥܪܘܿܩܘܿܢ ܠܵܘܟ̣ܘܿܢ ܠܗ̇ܝ ܐَܚܹܪَܬܵܐ: ܣܵܒܵܒ ܕܬܪܘܿܨܵܐ ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܕܠܹܐ ܬܲܡܸܡܝܼܬܘܿܢ ܠܗܘܿܢ ܟܠܵܝܗܝ ܡܕܝܼܢܵܬܹ̈ܐ ܕܒܹܝܬ ܝܼܣܪܵܝܹܠ: ܗܲܠ ܕܐܵܬܹܐ ܒܪܘܿܢܹܗ ܕܐ݇ܢܵܫܵܐ. 24ܠܲܝܬ ܬܲܠܡܝܼܕܵܐ ܕܙܵܘܕܵܐ ܡ̣ܢ ܪܵܒܝܹܗ: ܘܠܵܐ ܪܹܓܵܐ ܡ̣ܢ ܐܵܓ̣ܝܹܗ. 25ܟܹܐ ܡܵܠܝܵܐ ܠܹܗ ܠܬܲܠܡܝܼܕܵܐ ܕܗܵܘܹܐ ܐܲܝܟܼ ܪܵܒܝܹܗ: ܘܠܪܹܓܵܐ ܐܲܝܟܼ ܐܵܓ̣ܵܝܹܗ. ܐܸܢ ܠܡܵܪܹܗ ܕܒܲܝܬܵܐ ܩܪܹܐܠܗܘܿܢ ܒܥܸܠܙܒ̣ܘܼܒ̣: ܟܡܵܐ ܙܵܘܕܵܐ ܠܒܢܘܿܢܹ̈ܐ ܕܒܲܝܬܹܗ. 26ܠܵܐ ܗܲܕܟ̣ܵܐ ܙܵܕܥܝܼܬܘܿܢ ܡܸܢܵܝܗܝ: ܣܵܒܵܒ ܠܲܝܬ ܡܸܢܕܝܼ ܕܝܼܠܹܗ ܟܘܼܣܝܵܐ ܕܠܵܐ ܦܵܐܹܫ ܓܸܠܝܵܐ: ܘܗ̇ܘ ܕܝܼܠܹܗ ܛܸܫܝܵܐ ܕܠܵܐ ܦܵܐܹܫ ܝܕܸܥܝܵܐ. 27ܡܸܢܕܝܼ ܕܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ ܒܚܸܫܟܵܐ: ܐَܡܘܿܪܘܼܢ ܠܹܗ ܐܲܚܬܘܿܢ ܒܒܲܗܪܵܐ: ܘܡܸܢܕܝܼ ܕܒܸܫܡܲܥܝܵܐ ܝܬܘܿܢ ܒܢܵܬܵܐ: ܡܲܟܪܸܙܘܿܢ ܥܲܠ ܐܓܵܪ̈ܵܘܵܬܹܐ. 28ܘܠܵܐ ܙܵܕܥܝܼܬܘܿܢ ܡܐܵܢܝܼ ܕܩܵܛܠܝܼ ܠܦܲܓ̣ܪܵܐ: ܐܝܼܢܵܐ ܠܓܵܢܵܐ ܠܹܐ ܡܵܨܝܼ ܠܸܩܛܵܠܵܐ: ܐܝܼܢܵܐ ܙܕܸܥܡܘܿܢ ܙܵܘܕܵܐ ܡ̣ܢ ܡ̇ܢ ܕܡܵܨܹܐ ܠܓܵܢܵܐ ܘܠܦܲܓ̣ܪܵܐ ܬܵܠܸܩ ܒܓܹܗܲܢܵܐ. 29ܬܲܪ̈ܬܹܝ ܨܸܦܪܹ̈ܐ ܠܹܐ ܦܵܝܫܝܼ ܙܘܼܒܢܹܐ ܒܚܲܕَ ܫܵܗܝܼ: ܘܚܕܵܐ ܡܸܢܵܝܗܝ ܕܠܵܐ ܡܼܢ ܒܵܒܵܘܟ̣ܘܿܢ ܠܹܐ ܢܵܦܠܵܐ ܥܲܠ ܐܲܪܥܵܐ. 30ܐܝܼܢܵܐ ܕܝܼܵܘܟ̣ܘܿܢ ܐܘܼܦ ܡܸܙܝܵܬܹ̈ܐ ܕܪܹܫܵܘܟ̣ܘܿܢ ܟܠܵܝܗܝ ܡܸܢܝܹܐ ܝܢܵܐ. 31ܠܵܐ ܗܲܕܟ̣ܵܐ ܙܵܕܥܝܼܬܘܿܢ: ܡ̣ܢ ܪܵܒܵܐ ܨܸܦܪܹ̈ܐ ܙܵܘܕܵܐ ܝܬܘܿܢ. 32ܟܠ ܐ݇ܢܵܫܵܐ ܗܲܕܟ̣ܵܐ ܕܡܵܘܕܹܐ ܒܝܼܝܼ ܩܵܕَܡ ܒܢܲܝ̈ܢܵܫܵܐ: ܒܸܬ ܡܵܘܕܸܢ ܒܝܹܗ ܐܘܼܦ ܐܵܢܵܐ ܩܵܕَܡ ܒܵܒܝܼ ܕܒܫܡܲܝܵܐ. 33ܐܝܼܢܵܐ ܡ̇ܢ ܕܣܵܪܸܒ̣ ܠܝܼ ܩܵܕَܡ ܒܢܲܝ̈ܢܵܫܵܐ: ܒܸܬ ܣܵܪܒܸܢ ܐܸܠܹܗ ܐܘܼܦ ܐܵܢܵܐ ܩܵܕَܡ ܒܵܒܝܼ ܕܒܫܡܲܝܵܐ. 34ܠܵܐ ܚܵܫܒ̣ܝܼܬܘܿܢ ܕܐَܬܹܐܠܝܼ ܕܕܵܪܸܢ ܫܲܝܢܵܐ ܒܐܲܪܥܵܐ. ܠܵܐ ܐَܬܹܐܠܝܼ ܕܕܵܪܸܢ ܫܲܝܢܵܐ: ܐܸܠܵܐ ܣܲܝܦܵܐ. 35ܣܵܒܵܒ ܕܐَܬܹܐܠܝܼ ܕܦܵܪܫܸܢ ܐ݇ܢܵܫܵܐ ܡ̣ܢ ܒܵܒܘܼܗܝ: ܘܒܪܵܬܵܐ ܡ̣ܢ ܝܸܡܘܼܗ̇: ܘܟܵܠܬܵܐ ܡ̣ܢ ܚܡܵܬܘܼܗ̇. 36ܘܕܸܫܡܸܢܹ̈ܐ ܕܐ݇ܢܵܫܵܐ ܒܢܘܿܢܹ̈ܐ ܕܒܲܝܬܹܗ (ܒܸܬ ܗܵܘܝܼ). 37ܡ̇ܢ ܕܡܲܚܸܒ̣ ܠܒܵܒܵܐ ܝܲܢ ܠܝܸܡܵܐ ܙܵܘܕܵܐ ܡܸܢܝܼ: ܠܹܐ ܚܵܫܸܚ ܐܸܠܝܼ. ܘܡ̇ܢ ܕܡܲܚܸܒ̣ ܠܒܪܘܿܢܵܐ ܝܲܢ ܠܒܪܵܬܵܐ ܙܵܘܕܵܐ ܡܸܢܝܼ: ܠܹܐ ܚܵܫܸܚ ܐܸܠܝܼ. 38ܘܟܠ ܕܠܵܐ ܫܵܩܸܠ ܙܩܝܼܦܹܗ ܘܐܵܬܹܐ ܒܵܬَܪܝܼ: ܠܹܐ ܚܵܫܸܚ ܐܸܠܝܼ. 39ܡ̇ܢ ܕܡܵܫَܟ̰ܸܚ ܠܵܗ̇ ܓܵܢܹܗ: ܒܸܬ ܬܵܠܸܩ ܠܵܗ̇: ܘܡ̇ܢ ܕܬܵܠܸܩ ܠܵܗ̇ ܓܵܢܹܗ ܣܵܒܵܒ ܕܕܝܼܝܼ: ܒܸܬ ܡܵܫَܟ̰ܸܚ ܠܵܗ̇. 40ܡ̇ܢ ܕܩܵܒܸ̇ܠ ܠܵܘܟ̣ܘܿܢ: ܐܸܠܝܼ ܩܵܒ̇ܘܿܠܹܐ ܝܠܹܗ. ܘܡ̇ܢ ܕܐܸܠܝܼ ܩܵܒܸ̇ܠ: ܠܡ̇ܢ ܕܫܘܼܕܪܸܢܹܗ ܩܵܒ̇ܘܿܠܹܐ ܝܠܹܗ. 41ܡ̇ܢ ܕܩܵܒܸ̇ܠ ܢܒ̣ܝܼܵܐ ܒܫܸܡܹܗ ܕܢܒ̣ܝܼܵܐ: ܗܵܩܵܐ ܕܢܒ̣ܝܼܵܐ ܒܸܬ ܫܵܩܸܠ: ܘܡ̇ܢ ܕܩܵܒܸ̇ܠ ܙܲܕܝܼܩܵܐ ܒܫܸܡܹܗ ܕܙܲܕܝܼܩܵܐ: ܗܵܩܵܐ ܕܙܲܕܝܼܩܵܐ ܒܸܬ ܫܵܩܸܠ. 42ܘܟܠ ܕܡܲܫܬܹܐ ܠܚܲܕَ ܡ̣ܢ ܕܐܲܢܹܐ ܙܥܘܿܪܹ̈ܐ ܟܵܣܵܐ ܕܡ̈ܝܼܵܐ ܩܲܪܝܼܪܹ̈ܐ ܐܲܚܟ̰ܝܼ: ܒܫܸܡܵܐ ܕܬܲܠܡܝܼܕܵܐ: ܬܪܘܿܨܵܐ ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܕܠܹܐ ܬܵܠܸܩ ܗܵܩܹܗ.